يا حب إنرسم #
يا حب ابتسم #
ولا ابتسمت له الأيام #
ومن الظروف حيل انصدم
نور .. وهج من سرور
واحساس في سطور
دايم يتردد علي
لا هو اختفى ولا يحب الظهور
+++
حكاية من نسج الخيال
كثر فيها الزعل والجدال
والرضى كل الرضى
عيا يعطيها مجال
+++
يمكن فيها تحوير
او قول عنها تزوير
والشعور اللي ما وصل
كانت خيوطه حرير
+++
يا حب إنرسم
يا حب ابتسم
ولا ابتسمت له الأيام
ومن الظروف حيل انصدم
+++
صوت لها بعالي الصوت
قبل لا يفوت الفوت
تعال نجتمع انا وياك
ونلبس جديد البشوت
+++
تعال أقرب مني شوي
واترك الباقي علي
تعال اشم عطرك
تعال اتنفس انفاسك
تعال اصير اهلك
تعال اصير ناسك
تعال .. لا تاقف تتفرج علي
+++
راحت وفرت منه وهربت
وكل الدعوة عنده اخربت
كأنه في حلم والا خيال
والا الحقيقة منه اقربت
+++
صحى على شمس النهار
وكل ما دار وكل ما صار
كان بس مجرد وهم
وجوه ابد ما عليه اغبار
+++
نور … وهج من سرور
واحساس في سطور
دايم يتردد علي
لا أختفى ولا يحب الظهور
::
:
.
1 تعليق
روحك تسبق أحرفك
ستبقى دائماً شيئاً مختلفاً عن الجميع
سلم المداد………..🦋